Te-deum



 

TE DEUM


 

 

 

Te Deum laudámus: *

te Dóminum confitèmur.

 

Te aetèrnum Patrem *

omnis terra venerátur.

 

Tibi omnes ángeli, *

tibi Caeli et univèrsae potestátes,

 

tibi Chèrubim et Sèraphim *

incessábili voce proclámant:

 

Sanctus,

Sanctus,

Sanctus, Dóminus Deus Sábaoth.

 

Pleni sunt caeli et terra *

maiestátis glóriae tuae.

 

Te gloriósus *

apostolórum chorus,

 

Te prophetárum *

laudábilis númerus,

 

Te martyrum candidatus *

láudat exèrcitus.

 

Te per orbem terrárum *

sancta confitètur Ecclèsia:

 

Patrem *

immènsae maiestátis;

 

venerándum tuum verum *

et únicum Fílium;

 

Sanctum quoque *

Paráclitum Spíritum.

 

Tu rex glóriae, *

Christe,

 

Tu Patris *

sempitèrnus es Fílius.

 

Tu, ad liberandum suscepturus hominem, *

non horruísti Vírginis úterum.

 

Tu, devícto mortis acúleo, *

aperuísti credèntibus regna coelórum.

 

Tu ad dèxteram Dei sedes, *

in glória Patris.

 

Iudex crèderis *

esse ventúrus.

 

Te ergo quaèsumus, tuis fámulis súbveni, *

quos pretióso sánguine redemísti.

 

Aetèrna fac cum sanctis tuis *

in glória numerári.

 

Salvum fac pópulum tuum, Dómine, *

et bènedic hereditáte tuae.

 

Et rege eos, *

et extólle illos usque in aetèrnum.

 

Per síngulos dies *

benedícimus Te;

 

et laudámus nomen tuum in saèculum, *

et in saèculum saèculi.

 

Dignáre, Dómine, die isto *

sine peccáto nos custodíre.

 

Miserère nostri, Dómine, *

miserère nostri.

 

Fiat misericórdia tua, Dómine, super nos, *

quemádmodum sperávimus in Te.

 

In Te, Dómine, sperávi: *

non confúndar in aetèrnum.