Pange-lingua

---

PANGE LINGUA

---

Pange língua gloriósi

Córporis mystèrium,

Sanguinísque pretiósi,

Quem in mundi prètium

fructus ventris generósi

Rex effúdit gèntium.



Nobis datus, nobis natus

ex intácta Vírgine,

et in mundo conversátus,

sparso verbi sèmine,

sui moras incolátus

miro cláusit órdine.



In suprèmae nocte cenae

recúmbens cum frátribus,

observáta lege plene

cibis in legálibus,

cibum turbae duodènae

se dat suis mánibus.



Verbum caro panem verum

verbo carnem èfficit:

fitque sanguis Christi merum.

Et si sensus dèficit,

ad firmándum cor sincèrum

sola fides súfficit.